E a participación?
Fai uns días un dos parlamentarios galegos con blog (José Manuel Lage) publicou no seu caderno unha anotación do estilo que, na miña idea, deberían ser os textos publicados polos membros do Parlamento nos seus blogs: Intentar achegar a súa actividade política ós cidadáns e non para contarnos a súa vida persoal.
Inmediatamente, varios usuarios participaron deixando a súa opinión a favor ou en contra do proposto por Lage e dou lugar a un interesante debate, pola variedade de puntos de vista.O que máis me chamou a atención é que un dos participantes intentou levar o que non parecería ser máis que un cruce de diferentes opinións a un campo persoal. O usuario en cuestión ofendeuse polas opinións doutra participante que eran diferentes ás súas.
Curioso, pero o usuario molesto é un político.Levoume varios días asimilar que aínda que algúns representantes (como Lage) estén dando pasos interesantes neste camiño de experimentación coas novas tecnoloxías, a outros aínda lles falta o máis importante: saber escoitar e, sobre todo, saber participar.
Pero é normal, non para asustarse. Cando se fala de fútbol, eu tamén caio nos erros habituais dunha persoa que non coñece o ritual da discusión futbolera.
Ademais o usuario molesto non parece un político senón máis ben un cidadán con interese ou militancia política (non é político no senso popular de que representa ou foi elexido polo pobo). (Comment this)
o fío da anotación é... ¿para que serve o blog dun político? porque últimamente lendo algúns deles -e con honrosas excepcións- paréceme que non se lles saca proveito. Resumiríao en "Non basta con tender pontes. Hai que cruzalos."
Moi interesante o teu blog (Comment this)
Por certo, trato de facer un cometnario no teu blog e non me resulta posible. (Comment this)
o único que se me ocorre e que para pór un comentario obliga a por dirección de correo electrónico, senón non te deixa. Se non é por iso envíame un correo plis! (Comment this)