Saturación tecnolóxica

Vivo con estupor a aparición da cantidade e continuos aparellos tecnolóxicos que están a saír nesta pre-campaña electoral para darlle ese toque recalcitrante de modernidade que, ao meu entender, se ve con pouco siso. O que pretende ser unha marabilla de incorporación da tecnoloxía (ou como algúns lle chaman, da web 2.0) á campaña electoral convertese nun escenario de ruído onde un usuario se perde. É un dos grandes riscos desta era tecnolóxica.

Un deputado publica no seu blogue a súa perplexidade ante unha nova dun xornal onde o acusan de ser un dos parlamentarios da Cámara Baixa que menos iniciativas presentou durante a VIII Lexislatura. Esa acusación (que denota un grandísimo descoñecemento da actividade parlamentaria, xa que un deputado no se adica só a presentar iniciativas) está baseada nun portal ‘Discursia.com‘ que, ademais de revelar esta información, ofrece aos usuarios a posibilidade de contactar (vía correo electrónico e participando nun foro) cos deputados. Hai que ter claro que ninguén, segundo parece, lle comunicou aos deputados que se ía por en marcha esta iniciativa, e convidalos a participar; Entón, como se vai esperar que participen se nin saben que existe este portal?

Cando se pretende unha verdadeira intención participativa hai que implicar a cidadáns, a políticos e a mediadores (ao menos, nos comezos). E o máis difícil non é que participen os cidadáns (que tamén) senón convencer aos políticos de que estean aí, escoitando as suxestións, as críticas e as peticións dos usuarios. E iso require de moita planificación, moita preparación previa. E, por suposto, de moita labia.

Aínda que se pense o contrario, que a tecnoloxía é futuro, debemos botar a ollada atrás e tratar de rescatar algunhas das experiencias que xa están en marcha, ou incluso caducadas, e traballar sobre elas; dende logo, moitas das novas experiencias que están a saír nada teñen que envexar a outras que xurdiron na campaña do ano 2004 e que quedaron enterradas no tempo. As cousas que saen non lembran o pasado (é o problema destas modernidades, que o que pasou fai catro anos xa é moi vello e non merece a pena rescatar). Por iso que esta campaña electoral estame a dar algo de inquietude: se algunha vez se puidera falar de bombardeo tecnolóxico, este é un deses momento.

 

Category: Uncategorized

Tags:

One Response

  1. carlos says:

    En mi blog he publicado un par de post sobre el 5º aniversario de la prueba piloto de voto electrónico en El Hoyo de Pinares (Ávila).

    En el texto se mezclan las reflexiones sobre la experiencia con aspectos más anécdóticos y personales, recuerdos, etc., pero bueno si a alguien le apetece pasarse y echar un vistazo, las dos entradas a que me refiero son:

    http://carlosjaviergalan.blogspot.com/2008/04/5-aniversario-de-la-primera-votacin-por.html

    http://carlosjaviergalan.blogspot.com/2008/04/ms-imgenes-de-la-votacin-por-internet.html

    Un saludo,
    Carlos