Parlamento e Internet nos cursos de verán
Un dos cursos de verán máis interesantes que este ano se impartirán no noso territorio é, na miña opinión, o da Universidade do País Vasco que baixo o título tan xenérico de "e-Democracia" abordará diferentes aspectos da democracia electrónica. Pareceme interesante, non só polo panel de participantes, senon sobre todo porque adica varias mesas ó Internet Parlamentario.
E é precisamente neste punto onde me chama máis a atención. Efectivamente, fálase da democracia dixital no ámbito local e noutras áreas máis ou menos precisas, pero na miña idea o Internet Parlamentario é un impotante punto desta nova democracia que xa está mudando e vai afrontar de contado moitos cambios. Para achegarse a este tema, no caso deste curso, intervirán Jon Gomez Goikolea, xefe de gabinete do Parlamento Vasco, para falar do modelo teórico de e-Democracia dos Parlamentos Europeos; Richard Hough, responsable do comité público de Petitions no Parlamento Escocés e, entre outros, Andoni Iturbe March, diretor de estudios do Parlamento Vasco, que exporá os proxectos implantados no Parlamento Vasco tales como Zabalik, Parte Hartu e Parlamauto.
